សុខភាព៖តើគួរផឹកទឹកផ្លែក្រូចនៅពេលណាទើបល្អសម្រាប់សុខភាព?
តើគួរផឹកទឹកផ្លែក្រូចនៅពេលណាទើបល្អសម្រាប់សុខភាព?
ថ្វីត្បិតក្នុងទឹកក្រូចពោធិ៍សាត់
ក៏មានបរិមាណស្ករកំណត់មួយ
តែជាស្ករធម្មជាតិ
ហើយបរិមាណកាឡូរីក្នុងនោះមានមិនខ្ពស់និងពិសេសវាជាប្រភេទ ភេសជ្ជៈមានសារជាតិជីវជាតិផ្សេងៗ
។
ទឹកក្រូចមួយកែវនៅពេលព្រឹក ពុំត្រឹមតែឆ្ងាញ់មាត់ប៉ុណ្ណោះទេ តែថែមទាំងល្អបំផុតសម្រាប់សុខភាព ។
ទឹកក្រូចមួយកែវនៅពេលព្រឹក ពុំត្រឹមតែឆ្ងាញ់មាត់ប៉ុណ្ណោះទេ តែថែមទាំងល្អបំផុតសម្រាប់សុខភាព ។
១-ពុំមានជាតិខ្លាញ់និងកូឡេស្តេរ៉ូល
មានអាហារផ្អែមៗជាច្រើន ដែលខ្លះពុំមានជាតិខ្លាញ់និងខ្លះពុំមានកូឡេស្តេរ៉ូល តែទឹកក្រូចនោះពុំមានទាំងពីរយ៉ាង ។ អ្នកអាចដាក់ទឹកក្រូចក្នុងទូទឹកកកឱ្យត្រជាក់ឬលាយជាទឹកក្រូចក្តៅ។ ទោះបីអ្នកផឹកតាមរូបភាពបែប ណាក៏មិនធ្វើឱ្យកើនបរិមាណជាតិខ្លាញ់ ឬកូឡេស្តេរ៉ូលដែរ ។
២-ប្រភេទផ្លែឈើមួយមានប្រយោជន៍
អ្នកជំនាញការទូន្មានថា ក្នុងមួយថ្ងៃមនុស្សម្នាក់ៗគួរទទួលទានគ្រប់៥ ប្រភេទផ្លែឈើនិងបន្លែ ។ ចំពោះអ្នកមិនចូលចិត្តបន្លែនោះពិតជាលំបាកដើម្បីសម្រេចបានតួលេខ នេះ ។ ប៉ុន្តែជាមួយនឹងទឹកក្រូចតែមួយកែវ អ្នកអាចបន្ថយតួលេខបន្លែចុះមកត្រឹម៤ប្រភេទ ។
៣-សម្បូរវីតាមីន C
វីតាមីន C ជាសារជាតិប្រឆាំងអុកស៊ីតកម្មមួយជួយពន្យឺតប្រតិកម្ម របស់ភាព ចំណាស់កោសិកា និងបង្ករបួសឱ្យកោសិកា ។ មិនតែប៉ុណ្ណោះ វីតាមីន C នៅអាចជួយបង្កើនប្រព័ន្ធអង្គបដិបក្ខរបស់អ្នក !
៤-ផ្ទុកប៉ូតាស្យូម
អ្នកណាក៏ដោយដែលស្រឡាញ់ ចូលចិត្តកីឡា សុទ្ធតែដឹងថាប៉ូតាស្យូម (ក៏ មានច្រើននៅក្នុងចេក) ជាសារជាតិចាំបាច់សម្រាប់កោសិកាសាច់ដុំខ្លាំងក្លា និងទប់ស្កាត់រមួលក្រពើ ទឹកក្រូចមួយកែវពុំផ្ទុកប៉ូតាស្យូមច្រើនប៉ុន្មានឡើយ ( ប្រមាណ១៤ភាគរយបរិមាណប៉ូតាស្យូមចាំបាច់ក្នុងថ្ងៃ) តែក៏គ្រប់គ្រាន់សម្រាប់អ្នកចាប់ផ្តើមថ្ងៃថ្មី១ល្អ ប្រសើរ។
៥-ផ្ទុកអាស៊ីតហ្វូលិក
ហ្វូលិកអាស៊ីត គឺសំខាន់ចំពោះស្ត្រីទាំងអស់ ពិសេសគឺសំខាន់ចំពោះ ស្ត្រីមានគភ៌ ឬអ្នកកំពុងប្រឹងប្រែងឱ្យមានគភ៌ ។វាជួយទប់ស្កាត់ពិការភាពពីកំណើតមួយចំនួននិងជួយផលិតកោសិកាឈាមល្អ មាំមួន ។
៦-បង្កើនកាល់ស្យូម
កាល់ស្យូមជួយធ្មេញនិងឆ្អឹងរឹងមាំ ពិសេសគឺចំពោះយុវវ័យនិងស្ត្រីក្មេងៗ ។ ក្នុងទឹកក្រូចក៏ផ្ទុកកាល់ស្យូមច្រើន អាស្រ័យហេតុនោះនឹងសមស្របបំផុតសម្រាប់អ្នក ពិសេសចំពោះអ្នកណាដែលមិនចូលចិត្តទឹកដោះគោ ។
៧-ក្លិនរបស់ទឹកក្រូចធ្វើឱ្យអ្នកសុភមង្គល !
ពួកអ្នកស្រាវជ្រាវបានចង្អុលបង្ហាញថា ក្លិនក្រូចធ្វើឱ្យអ្នកផងសុភមង្គល ។ វានាំមកនូវក្លិនរបស់រដូវក្តៅនិងធ្វើឱ្យសភាពផ្លូវចិត្តរបស់ មនុស្ស សោមនស្សរីករាយសប្បាយឡើង ។
នេះជាបណ្តាមូលហេតុដែលហេតុអ្វីទឹកក្រូចជាជម្រើសដ៏ឈ្លាសវៃ និងល្អប្រសើរមួយសម្រាប់សរីរាង្គយើងនៅរៀងរាល់ព្រឹក ៕
ប្រភព៖ទំព័រសុខភាព
រក្សាសិទ្ធិដោយបណ្ណាល័យចែករំលែក
0 comments :
Post a Comment